តាមរយៈភាពជាដៃគូជាមួយនឹងមជ្ឈមណ្ឌលសេវាសហព័ន្ធជនភៀសខ្លួន King County បានបញ្ចប់គម្រោងស្រាវជ្រាវដ៏ពិសេសមួយជាមួយនឹងសហ គមន៍ជនអន្តោប្រវេសន៍ និងសហគមន៍ជនភៀសខ្លួនអំពីថាតើត្រីប្រភេទណាខ្លះដែលអាចទទួលទានដោយសុវត្ថិភាព។

អ្នកស្រាវជ្រាវបានរៀបចំចងក្រងក្រុមការងារជាមួយនឹងមជ្ឈមណ្ឌលសេវាសហព័ន្ធជនភៀសខ្លួន ដែលជាអង្គការមិនស្វែងរកប្រាក់ចំណេញមានមូលដ្ឋាន នៅតំបន់ Kent ដែលធ្វើការងារជួយដល់ជនអន្តោប្រវេសន៍ និងជនភៀសខ្លួន ដែលពួកគេកំពុងផ្លាស់ប្ដូរជីវិតមករស់នៅសហរដ្ឋអាមេរិក ពោលនេះ ជាគម្រោងសប្បុរសធម៌ដំបូងសម្រាប់តំបន់ King County។

លោកស្រី Jennifer Lanksbury ដែលជាអ្នកស្រាវជ្រាវនៃកម្មវិធីតាមដានសារធាតុពុលក្នុងទឹកសាប និងទឹកសមុទ្រនៃតំបន់ King County បានលើកឡើងថា “អ្នកនេសាទគឺជាផ្នែកមួយដ៏សំខាន់សម្រាប់គម្រោងស្រាវជ្រាវនេះ។" “ជំនាញ និងកម្រិតនៃការចូលរួមរបស់ពួកគេជាមួយសហគមន៍ បានកែសម្រួលដល់ដំណើរការនៃការតាមដានត្រួតពិនិត្យ និងរបៀបបង្ហាញលទ្ធផលទៅកាន់សហគមន៍ប្រកបដោយតម្លាភាព។" 

ក្រៅពីការផ្ដល់នូវព័ត៌មានព្រមាន ផ្នែកអនុសាសន៍នៃការស្រាវជ្រាវនេះ ក៏បានផ្ដល់នូវការណែនាំយ៉ាងច្បាស់លាស់ ដែលអាចជួយដល់សហគមន៍ក្នុងការ សម្រេចចិត្តជ្រើសយកជម្រើសដែលមានសុវត្ថិភាព និងមានព័ត៌មានគ្រប់ជ្រុងជ្រោយ ពោលគឺ ផ្ដោតទៅលើបរិយាបន្ន តម្លាភាព និងលើកកម្ពស់សំឡេង និងចំណេះដឹងរបស់សហគមន៍។  

ការដោះស្រាយគម្លាតទិន្នន័យតាមរយៈការចូលរួមពីសហគមន៍ផ្ទាល់

អ្នកស្រាវជ្រាវបានធ្វើការស្ទង់មតិជាមួយអ្នកនេសាទអំពីទីតាំងដែលពួកគេបាននេសាទ ផលនេសាទ ផ្នែកណាខ្លះនៃត្រី  និងក្ដាមដែលពួកគេទទួលទាន និងរបៀបដែលពួកគេរៀបចំចម្អិនផលនេសាទទាំងនោះ។

ការស្ទង់មតិបានបង្ហាញថា ទីតាំងនេសាទដ៏ពេញនិយមមួយចំនួន ដូចជា បឹង Angle Lake បឹង Lake Meridian និងទីតាំងផ្សេងៗនៅតំបន់ភាគខាង ត្បូងនៃឆ្នេរសមុទ្រ King County មិនបានធ្វើការវាយតម្លៃនោះទេ។ អ្នកស្រាវជ្រាវ ក៏បានដឹងផងដែរថា ត្រីដែលពេញនិយមក្នុងការទទួលទានមួយចំនួន រួមទាំងត្រី Rainbow Trout និងត្រីក្រាញ់ (shiner perch) មិនត្រូវបានតាមដានត្រួតពិនិត្យនោះទេ ហើយទម្លាប់បែបវប្បធម៌ដូចជាការទទួលទាន "ខ្លាញ់ក្ដាម" ទំនងជាធ្វើឱ្យមនុស្សប្រឈមនឹងសារធាតុគីមីពុលកម្រិតខ្ពស់។

Sophorn Sim ប្រធានមជ្ឈមណ្ឌលសេវាសហព័ន្ធជនភៀសខ្លួន បានលើកឡើងថា "អង្គការតាមមូលដ្ឋាន ប្រជាសហគមន៍ និងតំបន់ King County បានធ្វើការរួមគ្នាក្នុងភាពជាដៃគូដើម្បីសិក្សាថាតើពូជសត្វប្រភេទណាដែលមានសុវត្ថិភាព និងមិនមានសុវត្ថិភាព ដើម្បីជួយការពារសហគមន៍នេសាទកុំឱ្យ ទទួលទានត្រី និងគ្រឿងសមុទ្រមានជាតិពុល ដែលពួកគេនេសាទបានពីទឹកនៅក្នុងតំបន់នោះ។" "លទ្ធផលគម្រោងនេះ ត្រូវបានចងក្រងជាឯកសារដើម្បី ផ្ដល់ជាព័ត៌មានដល់សហគមន៍នេសាទជនភៀសខ្លួន និង់សហគមន៍នេសាទអន្តោប្រវេសន៍ ឱ្យបានយល់ដឹងអំពីជម្រើសសុវត្ថិភាពក្នុងការនេសាទនៅ ក្នុងតំបន់នោះ។"

អ្នកស្រាវជ្រាវបានប្រើប្រាស់លទ្ធផលនៃការស្ទង់មតិដើម្បីរៀបចំគម្រោងយកសំណាកត្រីសាកល្បង។ បន្ទាប់មក អ្នកនេសាទក្នុងសហគមន៍ បាននេសា ទយកពូជត្រីគោលដៅពីក្នុងបឹង និងឆ្នេរសមុទ្រដែលមិនដែលបានតាមដានត្រួតពិនិត្យពីមុនមក។ 
នៅដើមឆ្នាំ 2023 King County និងមជ្ឈមណ្ឌលជនភៀសខ្លួន បានរៀបចំវគ្គបណ្ដុះបណ្ដាលពហុភាសាស្ដីពីពិធីសារនេសាទ និងរបៀបទុកដាក់ សំណាកសម្រាប់ការវិភាគគីមី។ អ្នកនេសាទបានចូលរួមចំណែកចាប់តាំងពីរដូវផ្ការីក រដូវក្ដៅ និងរដូវស្លឹកឈើជ្រុះដើម្បីប្រមូលសំណាកដ៏មានតម្លៃ ថែមទាំងទទួលបានការទូទាត់ពីសហព័ន្ធជនភៀសខ្លួនសម្រាប់ពេលវេលា និងជំនាញឯកទេសរបស់ពួកគេផងដែរ។

អ្នកស្រាវជ្រាវនៅក្នុងមន្ទីរពិសោធន៍បរិស្ថានរបស់ King County បានធ្វើតេស្តលើត្រី ដើម្បីរកមើលសារធាតុពុល ដូចជា PCB បារត និងសារធាតុគីមីផ្សេងៗ ដែលអាចកកកុញក្នុងកម្រិតមួយខ្ពស់ក្នុងខ្លួនត្រីមួយចំនួន និងមានផលប៉ះពាល់ដល់សុខភាពធ្ងន់ធ្ងរលើអ្នកដែលទទួលទានត្រីនោះ។